يا معذب الحال نارك لنــــا جنّا
يا قيــــل مــن رد المثـا يل وغناّ
واطرب وحرك شجون العاشقينَا
اطربتنى يا صاح والقلب لك وناّ
وردد من الاحساس آهاتٍ حزينَا
يشتكى الجرح ومـا فيــه استكـناّ
ويبدى من الاعماق الوجد الدفينَا
ياصاحبى هيجت جروحناوالمنا
وماخفا فالقلب واظهرت خــافينَا
ما هقيـــنا الهــوى واهله يشغلنـّا
يتعبــــنا حيـــل وحنــا ما دريـنَا
يا شاقي الـــروح يا وجـد المعنّا
عمقت فيناالجرح وزودت عانينا
حسبى عليك الله شمّت عـوازلنـا
لولاك يازين ما كثرت بــلاوينـا
كم نشتكى وكم نبـدى مـــواجعنا
حتى الصبرماعاد يقوى شكاوينا
حـدّ الصبرزاد وانت اللّىِ املــنا
وانت اللى بــلانا ومنك مشافينا
يا معذب الحال نارك لنــــا جنّا
مهماشقيت الحال ماقلت يكفينــا
لكــن رجا نا فيـك عساه يشملنا
منك العفـويا سيد وحنا شاكرينا
حنا على عهــدك ابــد ما د منا
عساك لو يــومٍ تحقـــق امــانينا
موضوع: يا معذب الحال نارك لنا جنّا 
الأربعاء يوليو 28, 2010 10:09 pm
