ما عاد باقي ياغير ادمدم اجروحي
واونَ والونَة اتصَحي لها ونَة
واكشف عذاب الخفوق ابصادق البوحي :
في صفحة الليل // وادموعي يخطنَه !!
عليك يا جرح روحي// يابعد روحي !!
شرهات قلبي بعد فيك اختلف ظنَه !!
وشلون عقب البطا تمرَ وتروحي ؟!!
ابلا سلام وتحيَة // هاجر السنَة
ما كنَ لك خلَ من غيبتك مذبوحي !!
يحفظ لك الشوق يالمزيون ويكنَه
ولا كنَ لك شاعرٍ موهوب طحطوحي
يا قافية شعره // ويا تجربة فنَه
بالامس يالامس : باب الحلم مفتوحي
واليوم : سود الليال الغبر صكنَه
من بعدها يالغضي لاهنت مسموحي
اجروح الآيام في قلبي يكفنَه !!
ودعتك الرب والاعمال فاللوحي
واحسابنا عند رب النَار والجنَة
آيامنا فانية // والعمر منقوحي
حكمة إلاه البشر .. والموت ما عنَه
بحاول انساك وإليا طْرْوك : ( ممدوحي )
راح اذكر الخير // والا الزلَ ما كنَه
وانته كذلك !! وكل الشرَ مدموحي
إليا نسينا الغرام وما حصل منَه !!
هذا شعوري بعد ما ضاق : مشروحي !!
اجروح قلبي من الآعماق تلَنه
تلَة اسيرٍ مابين القوم مطروحي
تلَوه : يوم العدو حظه ضحك سنَه !!
واقبل عليه المسا وانقاد للنَوحي
قنيب ذيبٍ من الوجدان ياكنَه
هذي هي السالفة موضوعها : ( اجروحي )
اونَ والونَة انصَحي لها ونَة !!